Pero, minaltrato asin ginadan kan “mga paratanom” an “mga uripon” na isinugo sa sainda. Nagpaliwanag si Jesus na an kagsadiri kan ubasan igwa nin saro pang natatada, “sarong namumutan na aking lalaki.” Sinabi niya pa: “Ini an ultimo niyang isinugo sa sainda, na sinasabi, ‘Igagalang ninda an sakuyang aki.’ Alagad an mga paratanom na idto nag-urulay-ulay, na sinasabi, ‘Iyo ini an tagapagmana. Mus, gadanon ta siya, asin mapapasatuya an saiyang mana.’ Kaya pinurugol ninda siya asin ginadan.”—Marcos 12:6-8.

Narisa kan mga eskriba asin kan mga panginot na saserdote na “sinda an nasa isip [ni Jesus] kan itaram niya an ilustrasyon na ini.” (Lucas 20:19) Urog kisa kan mga nakaagi, gusto nindang gadanon siya, an lehitimong “tagapagmana.” Pero natatakot sinda sa mga tawo, huling ibinibilang kan mga ini si Jesus na sarong propeta, kaya dai ninda pinurbaran na gadanon siya tulos.