Si Jehova Maimbod

10:13

Puwedeng halion ni Jehova an sarong pagbalo; pero, sa parati naggigibo siya “nin paagi,” itinatao niya sa sato kun ano an kinakaipuhan ta tanganing mapanggana niyatong matagalan an pagbalo.

• Puwede niyang paginhawahon an satong isip, puso, asin pagmati paagi kan saiyang Tataramon, banal na espiritu, asin kan espirituwal na kakanon na saiyang itinatao.​—Mat 24:45; Ju 14:16, nota; Ro 15:4

• Puwede niya kitang giyahan paagi kan banal na espiritu. Puwedeng ipagirumdom sa sato kan banal na espiritu an mga istorya asin prinsipyo sa Bibliya na makakatabang sa sato na gumibo nin madunong na mga desisyon.​—Ju 14:26

• Puwede niyang gamiton an saiyang mga anghel para tabangan kita.​—Heb 1:14

• Puwede niyang gamiton an satong mga kapagtubod para tabangan kita.​—Col 4:11