• Sanggatos na Taon sa Irarom kan Pamamahala kan Kahadian!
    An Torrengbantayan—2015 | Nobyembre 15

    • 2. Pira katawo an tibaad presente kan itao an pagbuot na nakarekord sa Mateo 28:19, 20, asin taano ta masasabi niyato iyan?

      2 Dai nahaloy pagkatapos na buhayon si Jesus, nagpahiling siya sa labing 500 na potensiyal na parabalangibog kan Kahadian. (1 Cor. 15:6) Posibleng sa pagkakataon na iyan itinao ni Jesus an pagbuot na ihulit an mensahe kan Kahadian sa “mga tawo kan gabos na nasyon”—na masakiton nanggad na gibuhon kan panahon na idto!a Ihinula ni Jesus na magpapadagos an dakulang gibuhon na ini sagkod sa “pagtatapos kan sistema nin mga bagay,” asin iyan man nanggad an nangyari. Posibleng marhay na nakikikabtang ka sa pag-utob kan pagbuot asin hulang iyan.—Mat. 28:19, 20, NW.

  • Sanggatos na Taon sa Irarom kan Pamamahala kan Kahadian!
    An Torrengbantayan—2015 | Nobyembre 15

    • a May dahilan para maniwala na nagin Kristiyano an kadaklan sa mga presente kan pagkakataon na idto. Sa surat ni Pablo sa mga taga Corinto, inapod niya sinda na ‘500 na tugang.’ Mangnuhon na sinabi pa niya: ‘An kadaklan sa sainda buhay pa ngunyan, alagad an iba turog na [sa kagadanan].’ Kaya minalataw na kabisto ni Pablo asin kan iba pang Kristiyano kan inot na siglo an dakul sa mga personal na nakadangog kan pagbuot na iyan ni Jesus.