“Dai Kita Minasuko”

4:16-18

Imahinaron na may duwang pamilya na parehong nakaistar sa sarong luma asin raot nang apartment. Masasabutan ta kun taano ta mamundo an inot na pamilya. Pero makangangalas ta su ikaduwang pamilya maugma. Taano? Dai na kaya mahahaloy, an pamilyang ini malipat na sa sarong magayon na bagong harong.

Dawa ngani “an gabos na linalang padagos na nag-aagrangay na iribanan asin nag-aagi nin kulog na iribanan sagkod ngunyan,” an mga lingkod nin Diyos igwa nin paglaom na nagpapakusog sa sainda. (Ro 8:22) Aram niyato na an mga kasakitan sa presenteng panahon, dawa idtong mga bagay na nagpapasakit sa sato nin dakul nang taon, “minaagi sana asin magian” kumpara sa buhay na daing katapusan sa bagong kinaban nin Diyos. An pagpokus sa maabot na mga bendisyon kan Kahadian makakatabang sa sato na magkaigwa nin kaugmahan asin dai magsuko.