Maghinanyog, Magkuyog, Asin ta Kamo Bebendisyonan

1. Kun kita naghihinanyog ki Cristo,

Naheheling daw ’yan sa satuya?

Tokdo nia maogmang manodan niato,

Pero dapat na magkuyog kita.

2. Garo harong an satong pamumuhay.

Kun sunodon ta tokdo ni Cristo,

Magigin masarig an satong buhay;

Garo baga ’tinogdok sa gapo.

3. Kun kita magin nanggad makinuyog,

Sagkod lamang mabubuhay kita.

Garo kahoy kun saen may burabod

Kaya marambong asin mabunga.