Kanta 180
An Sadiring Libro nin Dios—Sarong Kayamanan
1. Igwang libro na an tao sa tawo
Katoninongan asin paglaom.
Makangangalas an kapangyarihan;
Mga “gadan” nahimong buhayon.
Inaapod ’yan na Banal na Biblia.
Isinurat nin mga pinasabngan,
May pagkamoot na tunay ki Jehova;
Sa espiritu nia man giniyahan.
2. An paglalang nin Dios ’sinurat ninda,
An paglataw kaning uniberso.
Sinasabing enot na tawo sangkap
Alagad nawara Paraiso.
Sinabi na may anghel na nanangat
Sa soberaniya ni Jehova Dios.
An bunga kasalan asin kamondoan,
Alagad ta madali nang matapos.
3. Ngonyan an panahon nin kaogmahan.
Namundag na Kahadean nin Dios.
Nagtatao an Dios nin kaligtasan
Sa mga naglilingkod nin lubos.
Sa libro nia may maogmang bareta;
Sa bulawan ’yan orog an halaga.
An alok paglaom na daing katimbang;
’Yan an pinakadakulang estorya.