Kanta 91
Tinotokdoan ni Jehova
1. An Dios nagtataong ilaw;
Dakulang Paratokdo.
Bilang banal nindang Pastor
Sia giya sa karnero.
Gabos dapat makanood,
Sia an Ka’ro’langkawe,
Mahoyo pinahihiro
Kan mamomoton na tokdo.
Si Cristo na katabang nia
Pangenot na maestro.
Tokdo kan saiyang Ama
Iyo niang itinokdo.
Garo siwong tinitipon,
Sa tabang namamomoton,
Tawo gabos pinopompon
Palaog sa aripompon.
2. Tinawan man kitang pastor
Na nagtokdo nin husay.
Dila ninda natokdoan,
Puso ninda dalisay.
Tinatabangan an pagal.
Sutil hinahatolan.
Tama an saindang tokdo
Kaya an Dios ogmang marhay.
Natokdoan kita nin Dios;
Aki nia an nangenot.
Dakulang pribilehio ta,
Tokdo nia nasasabot.
Kun mawot niatong tokdoan
An gusto nin kaaraman,
Isabi ta an nanodan
’Nganing sa Dios sumamba man.
3. “Madia, adalan ta an Dios,”
’Yan an pangagda niato.
May panugang kaligtasan
An pagtotokdo niato.
Sa babasahon o berbal,
Baretang Kahadean
Ihinuhulit na ngonyan
Sa kabilogan kan globo.
Bilang mga katabang nia,
Pag-oswag kaipuhan,
Katotoohan dunganan,
Idoon Kahadean.
Sa Kahadean tatawan
Nin buhay an mga gadan.
Dapat man na matokdoan,
Sangkap na buhay kakamtan.