Magin Banal sa Gabos Nindong Paggawe

¹ An kabanalan sarong kahagadan sa mga lingkod ni Jehova ngonyan. Kaya kaipuhan niato an pakasabot sa kun ano an kabanalan asin kun paano iyan maninigong magpamidbid kan satong pagsamba ki Jehova. Sa puntong ini, an “Magin Banal sa Gabos Nindong Paggawe” iyo an tema kan programa sa espesyal na aldaw nin asamblea na mapoon sa Marso, 1991.​—1 Ped. 1:15.

² Mantang an mga pagboot ni Jehova naghahale sa saiya bilang an Banal na Dios, an matanos na kamugtakan na satuyang nakakamtan direktang resulta kan satong personal na relasyon sa saiya. Kaya, an programa magpapaheling nin mga paagi na magpapaoswag kan satong relasyon sa Dios. Kalabot digdi an pagkuyog sa saiyang banal na mga pamantayan, maski sa saradit na bagay. (Luc. 16:10) Matatabangan kita na kultibaron an mas hararom na pagpahalaga sa mga kahagadan ni Jehova asin kun paano ini maninigong makaimpluwensia sa satong pag-iisip, saboot, asin mga gawe.

³ An duwang pangenot na pahayag na ipaliliwanag iyo an “Pagpapairarom sa Pagigin Progresibong Nalinigan” asin “An Nag-ooswag na Gibohon kan Banal na Banwaan ni Jehova.” Mantang an nakapupukaw na mga pangyayari sa kinaban nagdodoon kan kasibotan kan mga panahon, an programa sa espesyal na aldaw nin asamblea magmomotibar sa sato na magpadagos kitang gumawe sa kabanalan, sa siring nagigin nakaoogmang marhay ki Jehova.​—1 Ped. 1:​14, 16.