Kanta 221
Mga Barobata! Aroga an Saindang Pagtubod
1. Aki pa si Samuel kan nagpa-Silo
’Nganing maglingkod sia duman sa templo.
Sa bilog na Isr’el nagin propeta,
Bilang Nazareo, Dios inomaw nia.
Mga aki ni Eli masuwayon.
Maarog daw si Samuel na akion?
Dai, kundi nagkuyog sia talaga.
Dai nia binayaan si Jehova.
2. Si Timoteo nagdakulang tanos,
Sa pagkamagurang lingkod na lubos.
Ginibo nia an tokdo sa saiya.
Pagigin maimbod pinaghingoa.
Sa kongregasyon marahay an dangog,
Kaya sia piniling makapaglingkod.
Pribilehio niang umiba ki Pablo;
Mapalad sia sa pagmimisyonero.
3. Mga daragita, aroga nindo,
Aking Israelitang buhay kaidto.
Minsan sia nabihag, dai nanluya;
An igot nia nakadagka sa iba.
Agom ni Naaman sinabihan nia:
‘Propeta nin Dios mapararahay sia.’
Huling daragita hininanyog nia,
Si Naaman naomayan talaga.
4. Mga kaakian, aroga nindo
Mga halimbawang tao saindo.
Pinili nin Dios an isusugo nia
Ngonyan na kinaban matatapos na.
Mga kaakian, kamo umiba,
Pakikilaban kan mga lingkod nia.
Omawon an Dios, patanid itao,
Balos sa huri makakamtan niato.