Kanta 173
Pagkamoot—Sangkap na Bogkos nin Pagkasararo
1. Pagkamoot ngonyan nin dakol
Malipot nang marhay.
Pero enot tang pagkamoot
Ingatan nin tunay.
’Nganing maarog niato an Dios,
Ipahayag niato,
Pagkamoot kan satuyang Dios
Na gikan sa puso.
2. Pagkamoot na tunay nanggad
Asin makosogon
Dapat niatong pataluboon,
Gabos pamateon.
’Yan pahiwason na maabot
Gabos niatong tugang.
Kaya an namomotan nin Dios
Satong kamotan man.
3. Mantang kinaban pabagsak na,
Magsararo kita.
Pagkamoot na bogkos sato
Dapat pangaptan ta.
An pagpadangat na maboot
Kinakaipuhan.
Madadayupot mga tugang,
Gibo mahahaman.
4. An mar’hay na relasyon sa Dios
Tabang na dakula
Na kamotan ta man an iba
Siring sa satuya.
Pakosogon an pagkamoot,
Odok man sa puso.
Pagkamoot sangkap na bogkos
Nin pagkasararo.