Kanta 164

Mga Aki—Mamahalon na Balaog Hale sa Dios

(Salmo 127:3, 4)

1. Mga aki balaog nin Dios.

Sanayon, tokdoan ta sinda.

Siring sinda sa mga pana;

Patamaon sa punteriya.

Dios an may togon:

‘Badas gamiton.’

Pero kun kita mamomoton

Tokdo ta ogmang aakoon.

2. Mga nasa puso kan aki

Hingoahon tang paluwason.

Sa pagpopoon na omboy pa,

Katotoohan matatadom.

Puso tokdoan;

Amay pang ponan.

Tabang nin Dios laoman niato.

Tataramon nia isapuso.

3. Aroaldaw makipagolay.

Aki dai mag-aalangan,

Ipahayag an nasa puso;

Kita magigin katood man.

Dai anggotan.

Kaolayon lang.

Dapat mayo nin ikatatsar

Mantang pana inaasintar.

4. Mga aki eredasyon ta,

Pero sinda sadiri nin Dios.

Bungang may kairibang premyo

Kun sinda tokdoan nin tanos.

Kamawotan ta,

Manodan ninda.

An Dios may balos sa satuya.

Aroaldaw omawon ta sia.