Kanta 183
Lugar kan mga Barobata sa Areglo nin Dios
1. Sa areglo nin Dios an gabos may puesto.
Imbitado nia an hoben o gurang.
Marahayon an simbag kan mga hoben
Sa pagbabareta kan Kahadean.
Epektibo an saindang paghuhulit!
Husay an sulot asin magalang pa!
Namomotan sindang marhay ni Jehova;
Sa mga gurang nakapaoogma.
2. Mga hoben na namidbid si Jehova,
Maogmahon an aldaw na maabot!
Imahinara sana an ngapit ninda
Paraiso na buhay daing sagkod!
Mientras tanto buhay ta may kagipitan
Sa sistemang madali nang mawara.
Bilog na kosog niato na paglabanan;
Dapat kaimbodan pagdanayon ta.
3. Sa mga Saksi kadakol kan katood.
Tano ta mahanap pa sa kinaban?
An nakapakokosog iyong gibohon,
Tataramon nin Dios an pag-adalan.
Kun kamong mga hoben igwang problema,
Sa namomoot saindo dumolok.
Si Jehova an pangenot na Katood;
Sia maherakon asin mapagsabot.
4. Kita miembro kan Kristianong kongregasyon;
Si Jesus an nagsusustenir sato.
Maimbod kitang makikampi saiya;
An gabos niang sadol dangogon niato.
An kinaban dai niato pag-arogon;
Palinigan ki Jehova isip ta.
Iribang magmaimbod, gurang o hoben;
Sia omawon, buhay makakamtan ta.