Kanta 105
Irukyaw an Panganay ni Jehova!
1. Irukyaw ta Panganay nin Dios—
Sia an Paramana.
Sinunod poon kan lalangon
An tingog kan Ama.
Gabos na bagay gibo nia
Sa daga asin sa langit.
Bilang Representante,
An Dios ihinulit.
2. Minsan ngani kabaing nin Dios,
Dai naghingoa,
Makipantay bilang karibal
Kan Dios na Jehova.
Pakumbaba siang nagdigdi
Asin nagin tawong tunay
’Nganing kita mabuhay,
Dios mapamuraway.
3. Kaya sia ilinangkaw nin Dios
Bilang Ahente nia,
Na saiyang pakangbanalon,
Ngaran ni Jehova.
Sa guerra nin Armagedon
An kalaban paparaon,
An lingkod ni Jehova
Siertong sosorogon.
4. Irukyaw ta Panganay nin Dios!
Pati Kahadean.
Sa harong-harong ihulit ta
An katotoohan.
Itokdo ta man sa iba
Kun ano an gigibohon.
Pati na mga tugang
Satong pahiroon.