Kanta 43

Abante, Kamong mga Ministro kan Kahadean!

(2 Timoteo 4:5)

1. Ihulit ta an Kahadean

Sa kada nasyon, banwa.

Mahoyo satuyang tabangan,

Kamotan satong kapwa.

Pamurawayon an paglingkod,

Pagbado konsideraron ta.

Mahalaga an ministeryo;

Omawon ta si Jehova.

(Koro)

2. Bagong ministro umabante,

An premyo nin Dios buhay.

Sa tabang kan Biblia talikdan

An dating mga bagay.

Kita magdanay na malinig,

Napapalaen sa kinaban.

Angay sa mga lingkod nin Dios,

Kinaban satong dulagan.

(Koro)

3. An natatada kaibanan,

Mga ibang karnero.

Lalaki, babae, durungan,

Gurang patin soltero.

An ministeryo ta sagrado

Na mawot tang tawan nin onra.

Mga mahoyo nararanga,

Naoomaw si Jehova.

(Koro)

Umabante,

Satuyang ihulit an Kahadean.

Umabante,

Sa kampi ni Jehova manindogan.