Kanta 133
Pagsabwag kan Banhi kan Kahadean
1. Mga oripon ni Jehova, madia,
Puso nindo para sa Dios.
Gibohon an sugo nia sa saindo;
Sundan an dalan ni Jesus.
Isabwag banhi nin katotoohan
Sa puedeng magbungang daga
Nin bungang sa ikaoomaw nin Dios
Kun gibohon bilog na kaya.
2. May mamumugtak sa gilid kan dalan,
Namatutuka nin gamgam,
May banhing mahoholog sa magapo,
Naluyos sa kainitan.
Hadit, kapasloan, garo na tonok
Sa banhi bago tumubo.
Alagad may banhi na mamumugtak
Sa dagang marahay an tubo.
3. An pagkasabwag sa dagang mataba
Parateng na sa satuya.
Gamgam kan Diablo puede tang olangon,
Pati paglamag maluya.
Tonok may paaging magkaharale,
Basta alisto man kita.
Sa siring kita puedeng makaani,
Sanggatos o kisuerra treinta.