Kanta 19
Magayagaya Bilog na Aldaw
1. Lumukso sa ogma!
Dios sato may pag-oyon.
Maggayagaya man
Sa gabos na gibohon.
Mayo na nin kulang. Dios an sandigan.
Ano pa an satong hahanapon?
Toninong, trangkilo,
Asin nakokontento.
Abunda man kita;
Dayupot sa Dios niato.
Kita maogmahon, na mabungahon.
May kagayagayahan sa puso.
2. Talingkas na kita.
Kaya maggayagaya.
Nagboot si Jesus,
Dangogon ta boses nia.
Kita binakal nia. Tinokdoan nia.
An Dios an puminili satuya.
Kahadean uya,
Nagpapagayagaya.
An mayordomo nia
Nag-iingat satuya.
Maliwanagon na an paglaom ta.
Ipadangog man niato sa iba.
3. Maogmahon nanggad
Na maghulit sa iba;
Kun mga karnero
An natatagboan ta!
Kamotan an tugang, pati iba man,
Katoninongan makakamtan ta.
Sa bilog na aldaw
Ihulit Kahadean.
Dagos an pagdakol
Kan dakulang kadaklan!
Logod si Jehova pirmeng gumiya.
Sa iya gabos na kaomawan.