Kanta 32

‘Sa Harong-harong’

(Gibo 20:20)

1. Harong-harong, banwa-banwa,

Bareta darahon.

Karnero ni Jehova Dios

Satong pakakanon.

Ining maogmang bareta,

Na hula ni Jesus,

Ihinuhulit sa daga

Nin Kristiano gabos.

2. Harong-harong, baryo-baryo,

Ibalangibog ta,

Kaligtasan sa maapod,

Ngaran ni Jehova.

Paano man an pag-apod

Sa dai ta bisto?

Banal na ngaran darahon

Sa saindang pinto.

3. Sabihon pa bako gabos

An gustong magdangog;

May maaanggot, makontra,

Habong maghinanyog.

Arog kan aldaw ni Jesus;

Dai nagdarangog.

Pero an mga karnero

Lubos na madangog.

4. Kaya sa lambang pintoan

Ihulit bareta.

Kun kanding sia o karnero,

’Yan nasa saiya.

Basta satong ihahayag,

Ngaran ni Jehova.

Pagdolok ta sa pintoan,

’Baad karnero na.