Kanta 202
Sa Dios Kita Dusay!
1. Ki Cristo kita giniyahan ni Jehova.
Katotoohan ’tinao nia.
Hale sa kalangitan,
Liwanag suminirang.
Pagtubod nadagdagan,
Sadiri pinaindahan.
Nagdusay kita sa Dios. ’Yan desisyon ta.
Kagayagayahan ta talaga.
2. Gabos na nagdusay may igong pagtotokdo;
Sinda ordenadong ministro.
Iribang nagkakanta,
Kahadean an tema,
Sararo pirme sinda,
Ta rogaring ni Jehova.
Bautismo sa tubig patunay sa sumpa,
Kahadean ibinabareta.
3. Logod an hinagad tang mar’hay na konsensia
Sa pagdedikar makamtan ta.
Kanigoan na ogma
Na satuyang madara
An ngaran ni Jehova.
Sa iya mamibi kita.
Nagdusay kita sa Dios; pahalagahan
Ining marahay na kamugtakan.