Kanta 155
“Akoon Nindo an Lambang Saro”!
1. Akoon an lambang saro na arog ni Jesus!
An tugang mo dapat akoon; sia man tinubos.
Makokosog, maygurang, an maluya tabangan
Na paglaom sumarig, makua katanosan.
Ta an mga sinurat ka’dtong mga propeta
Mapatalubo sa paglaom, karangahan ta
Bako sanang sadirian satong paoyonan
Kundi karahayan kan tugang pagmakolgan man.
2. Mga habo sa guerra tinitipon na nin Dios.
An katoninongan ibabalik na ni Jesus.
Gikan sa gabos na nasyon, tribo, tataramon,
Sa puso, isip ninda togon nia itinanom.
Sa ikamumuraway nin Dios, inaako ta,
Gabos na klase nin tawo inaamigo ta.
Karahayang boot nin Dios satuyang arogon.
Arog man kan Aki nia, puso ta pahiwason.
3. Gabos engganyaron na omawon si Jehova,
Makiogma sa nasyon nia asin awitan sia.
Kaya ibalangibog ta sa mga lansangan,
Maogmang bareta kan saiyang kabantogan.
An pribilehio tang ini dai maootro
Huring aldaw na para sa maraot na tawo.
Kaya tugang kamotan; an Dios mani totoo;
Akoon an lambang saro; togon ’yan sa sato.