Mga Pag-aatubang na Nakapupukaw nin Interes
1 Maninigo na permi kitang magpaheling nin mainit, personal na interes sa mga tawo na nanonompongan niato sa paglilingkod sa langtad. An paghapot kan saindang opinyon sa mga bagay nagpapaheling kan satong paggalang sa saindang punto-de-vista.
2 Sa Oktubre dadarahon niato an atension sa magasin na Awake! sa satong paglilingkod sa langtad. Magtao nin panahon na personal na repasohon an pinakahuring mga luwas, asin pumili nin espisipikong mga punto na itatampok. Ipaheling an espisipikong mga tema asin ilustrasyon.
3 Pakatapos na ipamidbid an sadiri, puwede nindong sabihon:
◼ “Taano sa paghona nindo ta napaaatubang kita sa kadakol na nakadidisganar na mga kamugtakan ngonyan? [Pasimbagon.] Sinasabi kan Biblia na para sa dakol, an buhay mayong paglaom asin nakauuyam. Mangnoha an sinasabi digdi sa Eclesiastes 2:17. [Basahon.] Minaoyon daw kamo na totoo ini ngonyan? [Pasimbagon.] Ano sa paghona nindo an makararanga sa tawo na inaatubang an kadakol na problema? Uya an kasuratan na nagtatao sato nin positibong pagmansay sa buhay. [Basahon an Salmo 37:39, 40.] Digdi sa Oktubre 8 luwas kan Awake! igwa nin nagkapirang praktikal na suhestion kun paano niato mapanggaganahan an kapurisawan, pagkatakot, asin depresyon.” Dangan buksan an magasin asin ipaheling an mga artikulo manongod sa “You Can Overcome Negative Emotions.”
4 O puwede nindong sabihon:
◼ “Mantang tinokdoan kita ni Jesus na mamibi na dumatong an Kahadean nin Dios asin na gibohon an Saiyang kabotan digdi sa daga kun paano sa langit, sa paghona daw nindo maootob talaga an kabotan nin Dios digdi sa daga?” Pasimbagon, dangan buksan an Isaias 55:10, 11 tanganing ipaheling kun paano maootob an gabos na panuga nin Dios. Dangan puwede nindong sabihon: “An makangangalas na hula manongod sa kabotan nin Dios para sa daga yaon digdi sa Kapahayagan 21:3-5.” Dangan puwede nindong buksan an pahina 7 kan Awake! na Oktubre 8 asin ipaheling kun paano gigibohon kan Kahadean nin Dios na magin totoo ini.
5 Kun itinatampok nindo an Oktubre 22 na “Awake!”, puwede nindong sabihon:
◼ “Nakikipag-olay kami sa samong kataraed dapit sa marahay na gobyerno. Sa paghona daw nindo posibleng magkaigwa nin sarong gobyerno na mapaninigoan an gabos niatong pangangaipo asin makareresolber sa gabos niatong problema? [Pasimbagon.] Ipinaheheling kan Biblia digdi sa Isaias 65:21-23 kun paano ini gigibohon kan gobyerno nin Dios. [Basahon.] Igwa ako digdi nin Oktubre 22 na luwas kan Awake! na may titulong ‘A New World That Satisfies All.’ Boot kong basahon nindo iyan.” Dangan ipaheling an mga artikulo sa pahina 3-14, na pinipili an espisipikong mga punto na ikapaheheling sa kagharong.
6 An satong katuyohan bako sanang pukawon an interes sa mensahe kan Kahadean kundi makapoon man nin pag-adal sa Biblia. Maogma nanggad kita na igwa kan siring na marahay na mga artikulo sa Awake! tanganing makatabang na mapukaw an interes sa katotoohan. Gamiton logod niato iyan nin marhay sa Oktubre.