Kanta 100
Omawon si Jehova na Satuyang Dios!
1. Omawon si Jehova Dios!
Kadakulaan ihayag! Irukyaw!
Mag-arawitan!
Ta saiya an kalangitan.
Gabos na lalang nia naghahayag,
Saiyang kapangyarihan.
Kadonongan, hustisya nia lakop;
Kabagay kan kakosogan!
Omawon si Jehova Dios!
Kadakulaan ihayag!
2. Omawon si Jehova Dios!
Karahayan nia ihayag!
Kurahaw! Mamomoton sia!
Ipahayag kabootan nia.
Makangingirhat man sa labanan,
Sa mahoyo maboot sia.
Mga naghahanap sa saiya
Kakamtan pag-iingat nia.
Omawon si Jehova Dios!
Karahayan nia ihayag!
3. Omawon si Jehova Dios!
Kahadean nia ihayag!
Isabi kamurawayan,
Kada kanto kan kadagaan!
Uya na ngonyan! Si Cristo Hade.
An omawon si Jehova.
Aawiton an kapangganahan,
Sa Dios an kaimbodan ta.
Omawon si Jehova Dios!
Kahadean nia ihayag!