Kanta 76

Si Jehova, an Satong Pinakadayupot na Katood

(Isaias 41:8)

1. Si Jehova Dios, an Maimbod,

Tunay na Katood.

’Tinao dagang istaran ta,

Buhay, daing sagkod.

Binayaan man ninda Adan,

Dalan ni Jehova,

Mga maimbod katood pa,

Halat an aldaw nia.

2. Bilog na buhay ni Abraham

Katood sia nin Dios.

Maimbod sa pagbalo nin Dios

Sagkod na matapos.

Sia nagsarig na an aki nia

Liwat mabubuhay.

Namotan nin Dios si Abraham,

Integridad danay.

3. An Aki nin Dios kan maghaloy

Naghilig sa daga.

’Nganing mabalukat nia kita

’Dinolot buhay nia.

Minsan hiningoa kan Diablo

Na sia matentaran,

Kaimbodan ni Jesus sa Dios

An pinatunayan.

4. Si Jesus asin si Jehova

Katood na tunay.

Mawot nindang makamtan niato

An buhay na danay.

Kun kinaban an katood ta

An Dios kaiwal ta.

Makikatood kita sa Dios

Sagkod buhay kita.