Kanta 52
An Ngaran kan Satong Ama
1. O Jehova, Ama niamo,
Ngaran pakangbanalon.
Otobon s’imong kabotan,
Nungka nang kokontrahon.
Bindikasyon maabot na,
Huling manggagana ka.
Onra mo padakulaa;
An gabos kumuyog na.
(Koro)
2. Samuyang hinihingoa,
Banalon s’imong ngaran;
Isabing may kapusoan
An saimong kabotan.
Pagtubod mi marigonon,
Onra s’imo itao.
Logod fiel kaming mabuhay
Sa pag-omaw saimo.
(Koro)
3. O Jehovang Kagurangnan,
Kaharohalangkawe.
Mayo nang mas importante,
Ngaran mo omawon mi.
Boot ming ikapahayag,
Dios kang may katuyohan,
Angay nanggad na omawon
Nin gabos sagkod pa man.
(Koro)
Soberano, O Kaggibo;
An gabos s’imo gikan,
Ta saimong katuyohan
Pirme mong hinahaman.
O Jehova, Makakamhan,
Aki mo itinao,
Paagi sa Kahadean,
Mangyari kabotan mo.