Kanta 110
Magin Mapagpatawad
1. May pagkamoot na si Jehova
’Tinao an Aki nia satuya
Bilang pantubos sa kasalan ta.
’Yan tabang na kaipuhan ta.
Kun an pagsolsol ta tunay na gayo,
Hagadon an kapatawadan nia.
Pantubos ni Cristo an basehan,
Makimaherak sa ngaran nia.
2. Pero an pinatatawad nin Dios
Idtong boot na magin arog nia,
Maherakon asin mamomoton,
Nagpapatawad man sa iba.
Mantang kita bako nanggad na sangkap.
Parate man kitang magkasala
Sa pananaram o sa paggawe.
Patawad nin iba mawot ta.
3. Malilikayan an kamondoan
Kun may pagpatinawadtawadan;
’Yan mamomoton na kabootan
Na hale pa sa kalangitan.
An pagpatawad na gikan sa puso
Patunay na kita maygurang na,
May hararom man na pakasabot,
Tabang na matoninong sinda.
4. Sarong kualidad an pagpatawad
Na dapat niatong pataluboon.
’Yan proteksion tumang sa pagsentir,
Sa pagkabaldeng mapaiton.
Kun tunay na kita mapagpatawad,
Inaarog niato si Jehova,
Na naoogma sa pagpatawad,
An herak nia inoomaw ta.