Kanta 182

“Balsamo sa Galaad”

(Jeremias 8:22)

1. May balsamo sa Galaad,

Sabi kan Biblia.

Ranga sa pusong mamondo,

Pungaw nawawara.

Bolong kun may binabalo

O nagsasakit man,

O kun saro tang namomotan,

Gadan sa lolobngan.

2. Bakong an Dios pagkamoot,

Madonong, totoo?

Ano man an kabotan nia

Sa karahayan mo.

Kaya sa Dios nin pagranga

Pirme kang mamibi.

Dai itago an anoman;

Gabos mo isabi.

3. Girumdoma na an dakol

Na nangyari ka’dto,

Itinala sa Biblia

Sa pagranga sato.

’Nganing kita makatagal

Akoon man niato,

An tabang na kan mga tugang

Maboot na tao.

4. Bakong igwa man nin iba,

Mamondo arog mo?

Kadakol kan nagsasakit

Asin binabalo?

Rangahon man niato sinda,

Puso paogmahon.

Sa balsamo sa Galaad na

Sinda mabobolong.