Kanta 156
“Boot Ko”
1. An pagkamoot ni Jesus
Nahayag sato nin lubos.
Langit binayaan ’nganing katawohan
Matawan kan mensahe nin Dios.
An may helang rinanga nia,
Binolong an pilay, buta.
Sugo saiya inasikaso,
Maboot na sabi: “Boot ko.”
2. Maimbod na oripon nia
Isinugo ni Jehova.
Naoogma kita na sia makaiba
Sa pagliligtas sa maluya!
Saindang namamatean
Kun satuyang namomotan.
Kun patabang balo asin ilo,
Masasabi mo daw: “Boot ko”?
3. Huli sa pagkamoot ta,
Sa pagtokdo mapasensia
Sa nag-aagagha asin nanluluya;
Gabos dapat na aboton ta.
Kun sinda makasabot na,
Maglingkod na ki Jehova,
Kanigoan kaogmahan niato
Ta kita nagsabi: “Boot ko.”