Kanta 128
Gumibo nin Orog Pa—Arog kan mga Nazareo
1. Nazareo—Maarog ta daw?
Siring daw an paggawe ta?
An paglilingkod ki Jehova
Tunay na pambihira.
Siyasaton! Pakaisipon.
Oras ta mauubos na.
Puede daw niatong dugangan
An paglilingkod ta?
2. Nazareo—simple an buhay.
Ki Jehova dayupot sia
Ta sadiri nia isinikwal.
’Yan daw an pasohan ta?
Mga pagbabawal inako
Huli sa panuga ninda.
An dakol na tugang niato
Kaagid man ninda.
3. Nazareo—Napapalaen.
Igwa ngani sindang tanda.
Pambihira an pagpasakop;
Sa Dios dayupot sinda.
Sa paglingkod man ki Jehova,
Pagtubod patunayan ta.
Dahelan sa bendisyon nia,
Puso ta maogma.
4. Nazareo—Dapat arogon.
Kabanalan iningatan.
Mayong digta an pamumuhay;
Sinda binendisyonan.
Magtiwala man ki Jehova.
Tatabangan namomotan.
Sa paggibo nin orog pa
Igwang kaogmahan.