Kanta 34
Pamumuhay nin Angay sa Samong Ngaran
1. Dios na Jehova, makapangyarihan,
Sangkap sa hustisya, kadonongan,
Gikan sa imo an katotoohan,
An Soberano sa kalangitan.
Manriboribong anghel naglilingkod;
Nag-oomaw gabos na linalang.
Mga Kristianong Saksi samong ngaran;
O logod angay kami sa ngaran!
2. O Dios, tabangi kami nin dayaday
Sa pagtaong onra sa ngaran mo,
Lakad ni Cristo samong aarogon,
Pagboot nia susundon man niamo.
Ugale mi samuyang iingatan,
Ta ’baad ’ka samong malanghadan.
Magin Saksi pribilehiong dakula;
O logod angay kami sa ngaran!
3. Sa paglilingkod niamo nin padagos,
Iribaiba asin sararo,
Yaon an diosnon na pagkakontento;
Magayagaya an puso niamo.
Logod kami magin angay sa ngaran;
Katotoohan sa tawo dara;
Nangongorog tawan nin kaogmahan
An puso mo, Hade ming Jehova!