Mga Paisi

◼ Alok sa Mayo: Indibiduwal na mga kopya kan An Torrengbantayan asin Awake! Sa mga dinadalaw liwat, an mga parahayag puedeng mag-alok na ihatod an mga magasin nin regular, na may pasohan na makapoon nin pag-adal sa Biblia. Hunyo: Iaalok an bagong librong Rumani ki Jehova. Hulyo asin Agosto: Puedeng ialok an arin man sa mga brosyur, alagad marahay na espesyalmenteng itampok an brosyur na A Satisfying Life​​—How to Attain It.

◼ An nangengenot na paraataman o saro na inasignaran nia maninigong siyasaton an kuenta kan kongregasyon sa Hunyo 1 o sa pinakamadaling panahon pakalihis kaiyan. Kun nagibo na ini, ianunsiar sa kongregasyon pakatapos na basahon an masunod na report sa kuenta.

◼ Sa masunod na pirang bulan ipadadara niamo saindo an mga porma na kakaipuhanon nindo sa kongregasyon durante kan madatong na taon nin paglilingkod. Kun igwa nin iba pang porma na kakaipuhanon nindo, puedeng pedidohon ini sa dating paagi, na ginagamit an pormang Literature Request (S-AB-14). Ipadadara an mga pormang ini na daing hinahagad na depinidong kantidad, alagad mayong duwa-duwa na gugustohon kan mga kongregasyon na magtao nin rasonableng kontribusyon sa pambilog na kinaban na gibohon tangani na makatabang sa mga gastos sa pag-imprenta asin pagpadara. Mangnohon tabi na an mga lapel card para sa 2003 na Pandistritong mga Kombension iiiba sa mga porma na ipadadara, kaya dai na kaipuhan na pedidohon ini apuera sana kun maheling nindo na bakong supisyente an kabilangan na ipinadara saindo. Minsan siring, kaipuhan nindong pedidohon an mga celluloid badge holder sa dating pormang Literature Request.

Mga Hapot

◼ Kun naghuhulit paagi sa telepono, maninigo daw niatong ipaliwanag an areglo sa donasyon?

Kun naghuhulit kita nin personal, tibaad puedeng ipaliwanag na an pambilog na kinaban na gibong pagtotokdo sa Biblia kan Mga Saksi ni Jehova biyong sustentado nin gikan sa boot na donasyon asin na naoogma kitang akoon an siring na donasyon. Minsan siring, dai maninigong sambiton an mga donasyon o areglo sa donasyon kun naghuhulit paagi sa telepono, huling mamimisinterpretar ini na sarong klase nin paghagad paagi sa telepono. An ministeryo kan Mga Saksi ni Jehova bako nanggad na komersial.​​—2 Cor. 2:17.

◼ Kun naghuhulit paagi sa telepono, ano an maninigo niatong gibohon kun hagadon nin saro na dai na giraray mag-apod an mga Saksi ni Jehova?

Maninigong igalang an kamawotan nin saro. Sarong nota na may petsa asin ngaran kan kagharong an maninigong ibugtak sa sobre kan teritoryo tanganing malikayan nin mga parahayag an pag-apod sa numerong iyan sa ngapit. Sarong beses sa sangtaon, maninigong repasohon an lista nin mga tawo na naghagad na dai na kita mag-apod. Sa pagdirehir kan paraataman sa paglilingkod, puedeng mag-asignar nin eksperyensiado asin mataktikang mga parahayag na apodan an mga tawong ini tanganing aramon an saindang presenteng saboot.​​—Helingon an “Hapot” sa Hunyo 1994 An Satong Ministeryo sa Kahadean.

◼ Ano an sasabihon niato sa answering machine?

Dai ibaba an telepono. Imbes, magsurat nin inandam na marhay na simbag na puedeng basahon nindo sa telepono. Puede nindong sabihon: “Ikinamomondo ko na mayo kamo sa harong. Kun gusto nindong magdangog nin sarong basado sa Biblia na pagtokar kan [titulo nin pampublikong pahayag], tabi na umatender sa Kingdom Hall kan Mga Saksi ni Jehova. Imbitado an publiko. Mayo nanggad nin pangongolekta.” Dangan sabihon nin malinaw an aldaw asin oras kan pagtiripon, asin itao an adres kan kalye o sabihon an lugar kan Kingdom Hall.

Isinuherir na mga Pag-atubang Para sa Rumani ki Jehova

◼ Kapot an Biblia, magsabi: “An dakol na nagtutubod sa Dios gustong mas maparani sa saiya. Aram daw nindo na inaagda kita nin Dios na rumani sa Saiya? [Basahon an Santiago 4:8.] Dinisenyo an publikasyon na ini tanganing tabangan an mga tawo na gamiton an sadiri nindang Biblia sa pagrani sa Dios.” Basahon an parapo 1 sa pahina 16.

◼ Kapot an Biblia, magsabi: “Huli sa huma nin terorismo, dakol an nag-iisip-isip kun magigin tiwasay pa giraray sinda. Mangnoha an nakaparirigon sa boot na ideyang ini. [Basahon an Salmo 46:​1, 2.] Dinisenyo an publikasyon na ini tanganing tabangan an mga tawo na pataluboon an saindang pagtitiwala sa Dios.” Basahon an parapo 4 sa pahina 68 asin an enot na sentence kan parapo 5.

◼ Kapot an Biblia, magsabi: “Lakop ngonyan an inhustisya. Iyan siring man sana kan ilinadawan digdi. [Basahon an Eclesiastes 8:9b.] Dakol an nag-iisip-isip kun may pagmakolog pa ngani an Dios. [Basahon an enot na duwang sentence kan parapo 4 sa pahina 119.] Ipinaliliwanag kan kapitulong ini kun taano ta itinotogot nin Dios an inhustisya sa laog nin kadikit na panahon.”