Ingatan an Saindong Puso

1. Ingatan nanggad an puso

Ta ’yan an buhay ta.

Sa puso ta heling nin Dios

An pagkatawo ta.

Kun beses napaparayo,

Kaya an puso ta

Logod giyahan kan isip;

Sundon si Jehova.

2. Puso satuyang andamon

Sa paghanap sa Dios

Paagi sa pamibi ta.

Omawon siang lubos.

An itinotokdo nin Dios

Satuyang kuyogon.

Dapat maimbod puso ta;

An Dios paogmahon.

3. Puso pakaingatan sa

Salang kaisipan.

Togon nin Dios logod taros

Sa isip, puso man.

Namomotan ni Jehova,

Maimbod saiya.

Bilog na pusong sumamba

’Nganing katood nia.