Kanta 59
Sa Dios Kita Dusay!
Imprentadong Edisyon
1. Kita pinadolok nin Dios sa Aki nia
’Nganing magin parasunod nia.
Si Jehova nagtao
Nin liwanag sa sato.
Pagtubod nadagdagan;
Sadiri pinaindahan.
(KORO)
Sa Dios binoot ta na buhay idusay.
Saiya kaogmahan ta danay.
2. Namibi kita sa Dios na maglilingkod,
Sagkod lamang na magkukuyog;
Kagayagayahan na
Logod kamtan nin iba.
Ihayag ngaran ni Jah.
Itokdo Kahadean nia.
(KORO)
Sa Dios binoot ta na buhay idusay.
Saiya kaogmahan ta danay.
(Helingon man an Sal. 43:3; 107:22; Juan 6:44.)