An mga Dahelan Niatong Maggayagaya

1. Kadakol kan dahelan niato

’Ngani na maggayagaya.

Kawiliwiling mga bagay

Minaiba sa satuya.

An paggayagaya sa puso

Nakagamot sa Biblia.

Tokdo kaiyan binabasa;

An pagtubod kasunod na.

Garo laad sa satong puso

Rason kan satong pag-ogma.

Dawa an problema kadakol,

Igwang tabang hale ki Jah.

2. Nakakaogma an lalang nia,

An langit asin an daga.

Gabos na gibo kan kamot nia

Inuupakan talaga.

Satong ibinabalangibog,

Kahadean ni Jehova.

Pagkamundag ka’yan sa langit

Maogmang ’binabareta.

Kaogmahan na nagdadanay

Satuya nang makakamtan.

Sa bagong daga asin langit,

Ogma mayong katapusan.