Paano Kita Nagdadangog sa Diyos?

Kinakaulay kita nin Diyos paagi sa Bibliya. 2 Timoteo 3:16

May mga lalaking giniyahan kan tunay na Diyos para isurat sa sarong banal na libro an nasa isip niya. Iyan an Bibliya. May mahalagang impormasyon iyan na gusto nin Diyos na maaraman mo.

Aram nin Diyos an pinakamarahay para sa sato, asin hali sa Saiya an gabos na kadunungan. Paagi sa pagdangog sa saiya, talagang magigin madunong ka.—Talinhaga 1:5.

Gusto nin Diyos na mabasa kan gabos na tawo an Bibliya. Mababasa na iyan sa dakul na lengguwahe.

Kun gusto mong magdangog sa Diyos, dapat mong basahon asin sabuton an Bibliya.

Dakul na tawo sa bilog na kinaban an nakakanuod manungod sa Diyos. Mateo 28:19

Puwede kang matabangan kan mga Saksi ni Jehova na masabutan an Bibliya.

Sa bilog na daga, itinutukdo ninda an katotoohan manungod sa Diyos.

Dai mo kaipuhan magbayad para sa pagtutukdong ini. Makakanuod ka man manungod sa Diyos sa Kingdom Hall of Jehovah’s Witnesses sa lugar nindo.