Iskedyul sa Semana nin Marso 25

SEMANA NIN MARSO 25

Kanta 76 Asin Pamibi

□ Pag-adal sa Bibliya kan Kongregasyon:

jr kap. 7 ¶1-6 (30 min.)

□ Teokratikong Paadalan sa Pagmiministro:

Babasahon sa Bibliya: Lucas 4-6 (10 min.)

Num. 1: Lucas 4:22-39 (4 min. o mas halipot pa)

Num. 2: Sain Naggikan an Manlain-lain na Rasa?—rs-TG p. 215 ¶1-4 (5 min.)

Num. 3: Ano an Pruweba na Binuhay Liwat si Jesus?—1 Cor. 15:3-7 (5 min.)

□ Pagtiripon sa Paglilingkod:

Kanta 111

5 min: Magpuon nin Pag-adal sa Bibliya sa Inot na Sabado. Gamit an sampol na presentasyon sa pahina 8, idemonstrar kun paano makakapuon nin pag-adal sa Bibliya sa inot na Sabado nin Abril. Dagkahon an gabos na makikabtang.

25 min: “Kun Paano Gagamiton an Brosyur na Maogmang Bareta Hale sa Dios!” Hapot-simbagan. Kun pinag-uulayan an parapo 6, magkaigwa nin duwang demonstrasyon.

Kanta 97 Asin Pamibi

3. Paano naiiba an brosyur na ini sa mga publikasyon na ginagamit sa pag-adal sa Bibliya?

³ Kun Paano Iyan Dinisenyo: Isinurat an dakul sa satong mga publikasyon na ginagamit sa pag-adal sa Bibliya tanganing an katotoohan mabasa asin masabutan nin saro, dawa dai nin nagtatabang. Naiiba an publikasyon na ini. Isinurat ini bilang giya para sa pag-adal sa Bibliya na may paratukdo. Kun siring, kun iinaalok ini, an pinakamarahay iyo na pag-ulayan an saro o duwang parapo. Haralipot sana an parapo, kaya puwede iyan pag-ulayan dawa sa may pinto nin harong o sa pinagtatrabahuhan. Minsan ngani marahay na magpuon sa leksiyon 1, puwede kitang magpuon nin pag-adal sa arin man na leksiyon kan brosyur.

4. Paano kita matatabangan kan brosyur na direktang magtukdo gikan sa Bibliya?

⁴ Sa dakul na publikasyon ta, an simbag sa inimprentang mga hapot yaon sa parapo. Minsan siring, sa publikasyon na ini, an simbag prinsipalmenteng yaon sa Bibliya. An kadaklan na tawo gustong makanuod sa Bibliya imbes na sa literatura niyato. Kaya, haros mayong kinotar na sitadong mga teksto. Dapat na basahon iyan sa Bibliya. Matatabangan kaini an mga tinutukduan sa Bibliya na marealisar na gikan sa Diyos an nanunudan ninda.—Isa. 54:13.

5. Taano ta mahalaga na an paratukdo mag-andam na marhay para sa kada pag-adal?

⁵ Dai ipinapaliwanag kan brosyur an gabos na teksto. Taano? Dinisenyo iyan para enkaminaron an tinutukduan sa Bibliya na maghapot asin magamit kan paratukdo an abilidad sa pagtutukdo. Kun siring, mahalaga na mag-andam na marhay para sa kada pag-adal. Sarong pagirumdom: Bako kamo an magpaparataram. Gustuhon tang ipaliwanag an Kasuratan. Pero sa parati mas matatabangan ta an tinutukduan sa Bibliya kun siya an mapaliwanag kan naiisip niyang kahulugan kan teksto. Paagi sa paggamit nin mataktikang mga hapot, matatabangan ta siyang ipaliwanag an kahulugan kan kada teksto.—Gui. 17:2.