Watchtower ONLINE NA LIBRARYA
Watchtower
ONLINE NA LIBRARYA
Bicol
  • BIBLIYA
  • PUBLIKASYON
  • PAGTIRIPON
  • w00 2/1 p. 32
  • Paano daw Kamo Gigirumdomon ni Jehova?

Mayong video na available para digdi.

Sori, may error sa pag-load kan video.

  • Paano daw Kamo Gigirumdomon ni Jehova?
  • An Torrengbantayan Nagpapahayag kan Kahadean ni Jehova—2000
An Torrengbantayan Nagpapahayag kan Kahadean ni Jehova—2000
w00 2/1 p. 32

Paano daw Kamo Gigirumdomon ni Jehova?

“GIRUMDOMA ako, O Dios ko.” Dakol na beses na nakiolay si Nehemias sa Dios paagi sa mga tataramon na iyan. (Nehemias 5:​19; 13:​14, 31) Talagang natural sana na kun an mga tawo nasa masakit na kamugtakan, sinda minadolok sa Dios paagi sa arog kaiyan na mga pakimaherak.

Pero, ano an nasa isip nin mga tawo kun hinahagad ninda sa Dios na girumdomon sinda? Malinaw nanggad, naglalaom sinda na labi kisa paggirumdom sana sa saindang ngaran an gibohon nin Dios. Daing duda na an linalaoman ninda kapareho kan saro sa mga kriminal na ginadan sa kataed ni Jesus. An sarong ini, bakong arog kan saro pa, nakimaherak ki Jesus: “Girumdoma man ako kun ika yaon na sa saimong kahadean.” Mawot nia na girumdomon ni Jesus bako sanang kun siisay sia kundi siring man may gibohon sia para sa saiya​—an buhayon sia liwat.​—Lucas 23:42.

Pirmeng ipinaheheling kan Biblia na para sa Dios, an “paggirumdom” nangangahulogan nin paggibo nin positibong aksion. Halimbawa, pakatapos na sanopon nin tubig baha an daga sa laog nin 150 aldaw, “ginirumdom nin Dios si Noe . . . , asin pinangyari nin Dios na may umaging doros sa ibabaw kan daga, asin an katubigan nagpoon na magkulpa.” (Genesis 8:1) Pakalihis nin dakol na siglo, si Samson, na binuta asin kinadenahan kan mga Filisteo, namibi: “Jehova, girumdomon tabi nindo ako, asin pakosoga tabi nindo ako, ngonyan sana.” Ginirumdom ni Jehova si Samson paagi sa pagtao sa saiya nin kosog na nakalalabi sa tawo tanganing ikapamalos nia an saiyang sadiri tumang sa mga kaiwal nin Dios. (Hokom 16:​28-30) Kun dapit ki Nehemias, binendisyonan ni Jehova an saiyang mga paghihingoa, asin ibinalik an tunay na pagsamba sa Jerusalem.

“An gabos na bagay na isinurat kaidto isinurat sa pagtokdo sa sato, tanganing paagi sa satong pakatagal asin sa karangahan hale sa Kasuratan magkaigwa kita nin paglaom,” an isinurat ni apostol Pablo. (Roma 15:4) Kun gigirumdomon ta si Jehova paagi sa paghingoang gibohon an saiyang kabotan, arog kan ginibo kan saiyang fiel na mga lingkod kan nakaagi, makakokompiar kita na gigirumdomon kita ni Jehova paagi sa pagtabang sa sato na kamtan an satong mga pangangaipo sa aroaldaw, paagi sa pagsuportar sa sato sa satong mga kasakitan, asin paagi sa pagligtas sa sato kun hokoman na nia an mga maraot.​​—Mateo 6:​33; 2 Pedro 2:9.

    Bicol Publications (1983-2025)
    Mag-log Out
    Mag-log In
    • Bicol
    • I-share
    • Settings na Gusto Mo
    • Copyright © 2025 Watch Tower Bible and Tract Society of Pennsylvania
    • Kasunduan sa Paggamit
    • Palisiya sa Privacy
    • Privacy Settings
    • JW.ORG
    • Mag-log In
    I-share