KANTA 48
Paglakaw Aroaldaw Kaiba ni Jehova
Imprentadong Edisyon
1. Lumakaw sa aroaldaw,
Kaibanan kan satong Ama.
Dai nanggad nin kapantay
An kabuutan niya satuya!
’Tinao niya an probisyon
Na makadulok kita.
Kaya ngunyan na dusay na,
Manindugan para ki Jah.
2. Sa kaanggutan kan Diyablo,
Sa saiyang huring panahon,
Pagkontra sato lauman;
Buot niya kitang paluyahon.
An Diyos mataong proteksiyon,
Kun madanay saiya.
Daing sagkod na maglingkod,
Huling siya namumutan ta.
3. An tabang nin Diyos satuya
Tugon niya asin espiritu.
Paagi sa kongregasyon
Asin mga pamibi niyato,
An Diyos magiya satuya
Na gibuhon an tama.
Siya matabang man satuya
Na magin maimbod kita.
(Hilingon man an Gen. 5:24; 6:9; 1 Ha. 2:3, 4.)