HAPOT 17
Paano matatabangan kan Bibliya an saimong pamilya?
MGA AGOM NA LALAKI/MGA AMA
“Sa kaparehong paagi, dapat na mamutan kan mga agom na lalaki an saindang mga agom nin siring sa sadiri nindang hawak. An lalaking namumuot sa saiyang agom namumuot sa saiyang sadiri, huling mayo nin tawong naungis kasuarin man sa sadiri niyang hawak, kundi pinapakakan niya ini asin inaataman . . . An lambang saro sa saindo dapat na mamutan an saiyang agom na babayi siring kan pagkamuot niya sa saiyang sadiri.”
“Mga ama, dai nindo pag-uyamon an saindong mga aki, kundi padagos sindang padakulaon sa disiplina asin sadol ni Jehova.”
MGA AGOM NA BABAYI
“An agom na babayi dapat na magkaigwa nin hararom na paggalang sa saiyang agom.”
“Kamong mga agom na babayi, magpasakop kamo sa saindong mga agom na lalaki, na iyo an maninigong gibuhon kan mga parasunod kan Kagurangnan.”
MGA AKI
“Mga aki, magin masinunod kamo sa saindong mga magurang kauyon kan kabutan kan Kagurangnan, huli ta ini matanos. An tugon na ‘Tawan mo nin onra an saimong ama saka an saimong ina’ iyo an inot na pagbuot na may kaibang panuga: ‘Tanganing maparahay ka asin magdanay ka nin halawig na panahon sa daga.’”
“Kamong mga aki, magin masinunod kamo sa saindong mga magurang sa gabos na bagay, huli ta nakakapaugma ini sa Kagurangnan.”