HAPOT 10
Ano an panuga kan Bibliya para sa maabot na panahon?
“Magigin pagsadiri kan mga matanos an daga, asin maistar sinda diyan nin daing sagkod.”
“An daga nagdadanay sagkod lamang.”
“Hahalunon niya an kagadanan sagkod lamang, asin papahidon kan Soberanong Kagurangnan na Jehova an mga luha sa gabos na lalawgon.”
“Sa panahon na iyan, an mga mata kan mga buta magkakamuruklat, asin an mga talinga kan mga bungog magkakaburuksan. Sa panahon na iyan, an pilay malukso-lukso arog kan usa, asin an dila kan mga púla makurahaw sa kaugmahan. An mga tubig maburulwak sa kaawagan, asin an mga sapa sa disyertong kapatagan.”
“Papahidon niya an lambang luha sa saindang mga mata, asin an kagadanan mawawara na. Dai na man magkakaigwa nin pagmundo, o nin pagtangis, o nin kulog. An mga dating bagay nakalihis na.”
“Matugdok sinda nin mga harong asin maistar sa mga iyan, asin magibo sinda nin mga ubasan asin kakakanon an bunga kan mga iyan. Dai sinda matugdok na iba an maistar, ni matanom sinda na iba an makakan. Huli ta an mga aldaw kan sakuyang banwaan magigin siring sa mga aldaw nin sarong kahoy, asin lubos na ikakaugma kan sakuyang mga pinili an mga gibo kan saindang mga kamot.”