1 Imilandu
18 Nomba pa numa ya ifi Davidi akomene abaPelishiti+ no kubacimfya no kupoka Gati+ ne mishi ya uko mu minwe ya baPelishiti. 2 Kabili acimfishe abena Moabu,+ na bena Moabu baishileba ababomfi ba kwa Davidi abaletuula umutuulo.+
3 Kabili Davidi akomene Hadadesere+ imfumu ya ku Soba+ pa Hamati+ ilyo aleya ku kukusha ubufumu bwakwe ukufika ku mumana wa Yufrate.+ 4 Kabili Davidi amupokele amaceleta ikana limo (1,000) na ba pali bakabalwe amakana cinelubali (7,000) na ba pa makasa amakana amakumi yabili (20,000).+ Kabili Davidi alemanike+ bakabalwe+ bonse aba kutinta amaceleta, lelo ashileko fye bakabalwe umwanda umo (100) aba kutinta amaceleta. 5 Ilyo abena Siria ba ku Damaseke baile ku kwafwa Hadadesere imfumu ya ku Soba,+ Davidi aipeyepo abena Siria amakana amakumi yabili na yabili (22,000). 6 Awe Davidi abikile inkambi ya bashilika mu musumba wa Damaseke uwa mu Siria,+ e fyo abena Siria baishileba ababomfi ba kwa Davidi balatuula no mutuulo.+ Kabili Yehova alepususha Davidi konse uko aleya.+ 7 Kabili Davidi apokele ne nkwela+ sha golde ishali ku babomfi ba kwa Hadadesere, ashisenda na ku Yerusalemu.+ 8 Kabili Davidi apokele umukuba uwingi nga nshi mu Tibhati+ na mu Kuni, imisumba ya kwa Hadadesere. Uyu wine e mukuba Solomone apangilemo icishiba+ ca mukuba ne nceshi+ ne fipe fya mukuba.+
9 Ilyo Tou imfumu ya ku Hamati+ aumfwile ukuti Davidi naipaya abashilika bonse aba kwa Hadadesere+ imfumu ya ku Soba, 10 ilyo line fye atumine Hadoramu+ umwana wakwe ku Mfumu Davidi ku kuiposha no kuitasha pantu yalwile na Hadadesere no kumucimfya, (pantu Hadadesere alelwa libili libili na Tou) kabili akwete ifipe fya misango yonse ifya golde na silfere+ no mukuba. 11 Ifi na fyo Imfumu Davidi yafipeele+ kuli Yehova filya fine yapeele silfere na golde ifyo yapokele ku fyalo fyonse,+ ku bena Edomu na ku bena Moabu+ na ku bana ba kwa Amone+ na ku baPelishiti+ na kuli Amaleke.+
12 Abishai+ mwana Seruya+ ena aipeye abena Edomu mu Mupokapoka wa Mucele amakana ikumi na cinekonsekonse (18,000).+ 13 E ico apangile inkambi ya bashilika mu Edomu, kabili abena Edomu bonse baishileba ababomfi ba kwa Davidi.+ Kabili Yehova alepususha Davidi konse uko aya.+ 14 Kabili Davidi aleteka Israele+ onse, kabili alepingula abantu bakwe bonse mu mulinganya na mu bulungami.+ 15 Kabili Yoabu mwana Seruya e wali umukalamba wa bashilika,+ na Yehoshafati+ mwana Ahiludi e wali kebukisha. 16 Kabili Sadoke+ mwana Ahitubu na Ahimeleke+ mwana Abiatari e bali bashimapepo, na Shabsha+ e wali kalemba. 17 Kabili Benaya+ mwana Yehoyada+ e wali intungulushi ya bena Kerete+ na bena Pelete;+ kabili abana ba kwa Davidi e baleba pa ntanshi ku mfumu.+