1 Imilandu

4 Abana ba kwa Yuda bali ni Perese,+ Hesrone+ na Karmi+ na Huri+ na Shobali.+ 2 Reaya+ mwana Shobali ena afyele Yahati; Yahati na o afyele Ahumai na Lahadi. Ishi e ndupwa sha bena Sorati.+ 3 Kabili aba e bana ba kwa wishi wa kwa Etamu:+ Yesreele+ na Ishma na Idashi, (ne shina lya kwa nkashi yabo ni Haselelepone,) 4 e lyo na Penuele wishi wa kwa Gedore+ na Esere wishi wa kwa Husha. Aba e bali abana ba kwa Huri+ ibeli lya kwa Efrata kabili wishi wa kwa Betelehemu.+ 5 Nomba Ashihuri+ wishi wa kwa Tekoa+ aupile abanakashi babili, Hela na Naara. 6 Umuya inshiku, Naara amufyalile Ahusamu na Hefere na Temeni na Haahashtari. Aba e bali abana ba kwa Naara. 7 Kabili abana ba kwa Hela bali ni Serete, Isari na Etanani. 8 Kose ena afyele Anubu na Sobeba ne ndupwa sha kwa Aharhele mwana Harumu.

9 Kabili Yabese+ balimucindike sana+ ukucila bamunyina; kabili nyina e wamwinike ishina lya kuti Yabese, no kutila: “Namufyalila mu kucula.”+ 10 Kabili Yabese aliliile kuli Lesa+ wa kwa Israele, ati: “Nga cine cine mwampaala+ no kukusha icalo candi+ kabili ukuboko+ kwenu kwaba na ine, kabili mwancingilila ku fibi,+ pa kuti tafimponene,+—” Awe Lesa alimucitiile ifyo alombele.+

11 Kelubu munyina Shuha ena afyele Mehiri, uwafyele Eshtone. 12 Eshtone na o afyele Bet-rafa na Pasea na Tahina wishi wa kwa Iri-nahashi. Aba e bali abaume ba mu Reka. 13 Kabili abana ba kwa Kenasi+ bali ni Oteniele+ na Seraya, no mwana wa kwa Oteniele, ali ni Hatati. 14 Meonotai ena afyele Ofra. Seraya na o afyele Yoabu wishi wa kwa Ge-harashimu; pantu aba baishileba abacenjela mu fya kupangapanga.+

15 E lyo abana ba kwa Kalebu+ mwana Yefune+ bali ni Iru, Ela na Naamu; e lyo umwana wa kwa Ela, ni Kenasi. 16 Kabili abana ba kwa Yehalelele ni Sifi na Sifa, Tiria na Asarele. 17 Kabili abana ba kwa Esra bali ni Yetere na Merede na Efere na Yalone; na kabili alimite no kufyala Miriamu na Shamai na Ishba wishi wa kwa Eshtemoa.+ 18 Umukashi wakwe umuYuda ena afyele Yarede wishi wa kwa Gedore na Heberi wishi wa kwa Soko na Yekutiele wishi wa kwa Sanoa. Kabili aba e bana ba kwa Bitia umwana mwanakashi uwa kwa Farao, uo Merede aupile.

19 Kabili abana ba mukashi wa kwa Hodia, nkashi ya kwa Nahamu, e bali bawishi ba kwa Keila+ umwina Garmi na Eshtemoa umwina Maakati. 20 E lyo abana ba kwa Shimone bali ni Amnone na Rina, Ben-hanani na Tilone. Kabili abana ba kwa Ishi bali ni Sohete na Ben-sohete.

21 Abana ba kwa Shela+ umwana wa kwa Yuda bali ni Ere wishi wa kwa Leka na Laada wishi wa kwa Maresha ne ndupwa sha ba mu ng’anda ya babomfi abalepanga insalu ishisuma,+ aba mu ng’anda ya kwa Ashbea; 22 na Yokimu na baume abena Koseba na Yoashi na Sarafi, abaupile abanakashi+ abena Moabu, na Yashubi-lehemu. Kabili aya malyashi ya kale.+ 23 Bali banakabumba+ kabili abekashi ba mu Netaimu na Gedera. Baleikala kulya kwine no kubomba umulimo wa mfumu.+

24 Abana ba kwa Simeone bali ni Nemuele+ na Yamini,+ Yaribu, Sera, Shauli+ 25 Shauli afyele Shalumu, Shalumu afyele Mibsamu, Mibsamu na o afyele Mishma. 26 E lyo Mishma afyele Hamuele, Hamuele na o afyele Sakuri e lyo Sakuri na o afyele Shimei. 27 Kabili Shimei akwete abana baume ikumi na mutanda (16) na bana banakashi mutanda (6); lelo bamunyina tabakwete abana baume abengi, kabili tapali pa ndupwa shabo abakwete abengi nga bana ba kwa Yuda.+ 28 Kabili baleikala mu Beere-sheba+ na Molada+ na Hasari-shauli+ 29 na mu Bilha+ na mu Esemu+ na mu Toladi+ 30 na mu Betuele+ na mu Horma+ na mu Sikilagi+ 31 na mu Bet-markabote na mu Hasarsusimu+ na mu Betbiri na mu Shaaraimu.+ Iyi yali misumba yabo ukufika na pa nshita ya kuteka kwa kwa Davidi.

32 Kabili imishi yabo yali ni Etamu na Aini, Rimone na Tokene na Ashani,+ imisumba isano. 33 Kabili imishi yabo yonse iyashingulwike iyi misumba yafikile ku Baali.+ Umu e mo baleikala kabili e mo balembeelwe ifyo bafyelwe. 34 Kabili Meshobabu na Yamuleke na Yosha mwana Amasia, 35 na Yoele na Yehu mwana Yoshibia umwana wa kwa Seraya mwana Asiele, 36 na Elioenai na Yaakoba na Yeshohaya na Asaya na Adiele na Yesimiele na Benaya, 37 na Sisa mwana Shifi mwana Alone mwana Yedaya mwana Shimuri mwana Shemaya. 38 Aba abalumbwilwe amashina e bali intungulushi sha ndupwa+ shabo, kabili aba mu ng’anda ya bashibo balifulile nga nshi. 39 Kabili baile ku mwinshi wa mu Gedore, ukufika ku kabanga ka mupokapoka, ku kufwaya umulemfwe wa mpaanga shabo. 40 Awe basukile basanga umulemfwe uwatemfuma kabili uusuma,+ kabili icalo cali icikalamba kabili tamwali icimfulumfulu+ lelo cali tondolo; pantu kale mwaleikala aba muli Hamu.+ 41 Kabili abalembelwe amashina balileko, mu nshiku sha kwa Hisekia+ imfumu ya baYuda no konaula+ amatenti ya bena Hamu na baMeunimu abasangilwe kulya, ica kuti balibonawile+ kabili tababako ukufika na lelo; kabili batendeke ukwikala mu calo cabo, pantu kulya kwali umulemfwe+ wa mpaanga shabo.

42 Kabili ukufuma muli bena mwali abana ba kwa Simeone bamo abaile ku Lupili lwa Seiri,+ abaume imyanda isano (500), na Pelatia na Nearia na Refaya e lyo na Usiele e balebatungulula. 43 Kabili baipeye abena Amaleke+ abasheleko abafulumwike, kabili baikala kulya ukufika na lelo.