Amalumbo

140 Mpokololeni, mwe Yehova, ku bantu ababi;+

Ncingilileni na ku muntu wa bunkalwe,+

 2 Abapanga ifya bubi mu mitima yabo,+

Abo akasuba konse basansa kwati ni mu bulwi.+

 3 Banoona indimi shabo shaba nge sha nsoka;+

Ubusungu bwe fwafwa bwaba mu milomo yabo.+ Seʹlah.

 4 Ntalusheni, mwe Yehova, ku minwe ya mubifi;+

Ncingilileni na ku muntu wa bunkalwe,+

Ku bapanga ukuti inkasa shandi shi-ipunune.+

 5 Aba matutumuko banteya ulukose apo nshingamona;+

Ba-ansa ne myando kwati lisumbu ku mbali ya musebo.+

Bambikila ifiteyo.+ Seʹlah.

 6 Kuli Yehova natila: “Ni mwe Lesa wandi.+

Mwe Yehova, kutikeni kwi shiwi lya kupapaata kwandi.”+

 7 Mwe Yehova, mwe Shikulu Mulopwe,+ mwe bakwata amaka ya kumpususha,+

Mwacinga umutwe wandi mu bushiku bwa nkondo.+

 8 Mwe Yehova, mwisuminisha ififwaya umutima wa mubifi.+v

Mwileka ukupanga kwakwe kucitike, epali aisansabika.+ Seʹlah.

 9 Kumfwa abanshinguluka,+

Lekeni ububi bwa mu milomo yabo bubakupe.+

10 Lekeni amalasha ayaleaka yabaponene.+

Bapooswe mu mulilo,+ mu filindi fya menshi, pa kuti beima kabili.+

11 Uwa lwambo—eikalilila pano isonde.+

Uwa bunkalwe—lekeni ububi bumululunkanye.+

12 Ninjishiba ukuti Yehova akasoselako+

Uwacushiwa, akapingwila na balanda.+

13 Cine cine abalungama bakatootela ishina lyenu;+

Abololoke bakekala ku cinso cenu.+