Ku ng’omba nkalamba. Ulwa malumbo ulwa kwa Davidi.
21 Mwe Yehova, mu maka yenu e mo imfumu yasekelela;+
Kabili mu kupususha kwenu e mo ilefwaya ukula-angila!+
2 Mwaipeele ico umutima wa iko walefwaya,+
Tamwaitanine ne co imilomo ya iko yalefwaya.+ Seʹlah.
3 Pantu mwaisengeele na mapaalo ya fisuma,+
No kuifwika ku mutwe icilongwe ca golde uwalopololwa.+
4 Yamulombele ubumi. Mwali-ipeele,+
Ukutantalila kwa nshiku umuyayaya, umuyayaya.+
5 Yalicindama nga nshi pa mulandu wa kupususha kwenu.+
Mwaipeela bukatebebe no bucindami.+
6 Pantu mwali-ipaala nga nshi umuyayaya;+
Mwailenga ukuti isansamuke pa mulandu wa kusekelela kwa cinso cenu.+
7 Pantu imfumu yatetekela muli Yehova,+
E lyo na mu cikuuku ca Wapulamo. Tayakatelentenshiwe.+
8 Ukuboko kwenu kukasanga abalwani benu bonse;+
Ukuboko kwenu ukwa ku kulyo kukasanga abamupata.
9 Cikaba kwati mwabapoosa mwi lungu lya mulilo ilyo ikafika inshita ya kubakanda.+
Yehova mu bukali bwakwe akabamina, kabili umulilo ukabapwisha.+
10 Mukonaula ifisabo fyabo pano isonde,+
No kulofya abana babo ukufuma mu bana ba bantu.+
11 Pantu bamuletela ububi;+
Bapanga amapange ayo bafilwa ukufikilisha.+
12 Pantu mukabalenga ukufutata no kufulumuka+
Ku nshinga sha buta bwenu isho mwatinta no kutonta pa finso fyabo.+
13 Shi amaka yenu yamusansabike, mwe Yehova.+
Tukemba no kulumbanishisha amaka yenu pa filimba.+