Ku ng’omba nkalamba. Ulwa bana ba kwa Kora. Ulwimbo.
47 Mwe bantu na bantu bonse, tooteni.+
Welesheni ukuwelesha kwa kucimfya kuli Lesa mwi shiwi lya kwaula.+
2 Pantu Yehova, Uwapulamo, wa kutiinya,+
Ni Mfumu nkulu pano isonde ponse.+
3 Akacimfisha abantu na bantu mwi samba lyesu,+
Ne nko mwi samba lya makasa yesu.+
4 Akatusalila ica bupyani cesu,+
Ico Yakobo uo atemwa, ayumfwilapo icilumba.+ Seʹlah.
5 Lesa anina mu kuwelesha kwa kusekelela,+
Yehova anina mu kulila kwa ntandala.+
6 Lumbanyeni Lesa pa filimba, mulumbanishisheni pa filimba.+
Lumbanyeni Imfumu yesu pa filimba, ilumbanishisheni pa filimba.
7 Pantu Lesa e Mfumu ye sonde lyonse;+
Mulumbanishisheni pa filimba, kabili beni abashilimuka.+
8 Lesa naba imfumu pa nko.+
Lesa aikala pa cipuna cakwe ica mushilo.+
9 Abakankaala ba mu nko balongana,+
Pamo na bantu ba kwa Lesa wa kwa Abrahamu.+
Pantu ababa nge nkwela pano isonde ba kwa Lesa.+
Anina apasansuka icine cine.+