Ku ng’omba nkalamba pa filimba fya nsale. Ulwa malumbo. Ulwa kwa Asafi.+ Ulwimbo.
76 Lesa alishibikwa mu Yuda;+
Ishina lyakwe likalamba mu Israele.+
2 Kabili mu Salemu e mwaba ica kwikalamo cakwe,+
No bwikalo bwakwe bwaba mu Sione.+
3 E ko afunine imifwi ya buta iya lubingu,+
Inkwela no lupanga no bulwi.+ Seʹlah.
4 Mwafimbana ulubuuto, bukatebebe bwenu bwacila impili umwaba ifiswango.+
5 Abashipa nabekatwa no kusendwa,+
Bashipula no kupona mu tulo,+
Kabili abantu bonse aba maka babulwa amaka mu minwe yabo.+
6 Ku cintiinya cenu, mwe Lesa wa kwa Yakobo, uwa pe celeta e lyo na kabalwe balaala utulo.+
7 Imwe—muli ba kutiinya,+
Kabili nani engeminina pa ntanshi yenu ilyo mukalipe nga nshi?+
8 Mwalengele umulandu ukumfwika mu muulu;+
Isonde lyalitiinine no kuba tondolo+
9 Ilyo Lesa aimine ku kupingula,+
Ku kupususha abafuuka bonse aba pano isonde.+ Seʹlah.
10 Pantu icipyu ca muntu cikamutootela;+
Mukaikaka icipyu cashalako mu musana.
11 Lapeni no kufishapo umulapo kuli Yehova Lesa wenu, bonse mwe bamushinguluka.+
Lekeni balete ubupe mu mwenso.+
12 Akabwesesha pa nshi icilumba ca ntungulushi;+
Wa kutiina ku shamfumu sha pano isonde.+