Impendwa
21 Nomba umwina Kanaani, imfumu ya ku Aradi,+ uwaikele mu Negebu,+ aumfwile ukuti abena Israele nabesa ukubomfya inshila ya ku Atarimu, e lyo alwile na bena Israele no kusendapo bamo muli bunkole. 2 Awe abena Israele e pa kulapa kuli Yehova no kutila:+ “Nga cine cine mwapeela aba bantu mu minwe yesu, ninshi na ifwe tukonaula imisumba yabo.”+ 3 E ico Yehova aumfwile kwi shiwi lya kwa Israele no kumupeela abena Kanaani; na bo babonawilile pamo ne misumba yabo. E co bainikile palya pantu ati Horma.+
4 Awe ilyo baleya ukufuma ku Lupili lwa Hore+ ukupita mu nshila yaya kuli Bemba Wakashika ukuti bashoke icalo ca kwa Edomu,+ e lyo abantu banakile nga nshi pa mulandu wa nshila iyi. 5 Kabili abantu bakonkenyepo ukupeela Lesa+ na Mose+ umulandu, abati: “Cinshi ico mwatufumishe mu Egupti ukuti tukesefwila mu matololo?+ Pantu tatukwete ifya kulya na menshi,+ kabili tatulefwaya nangu panono ica kulya ici icinangwa.”+ 6 Kabili Yehova atumine insoka+ sha busungu pa bantu aba, na sho shalibasumawile, ica kuti abena Israele abengi balifwile.+
7 Basukile abantu baisa kuli Mose no kusosa abati: “Natubembuka+ pa kupeela Yehova na iwe umulandu. Tupapaatileko kuli Yehova ukuti afumye pali ifwe insoka ishi.”+ E fyo Mose apapaatileko aba bantu.+ 8 E lyo Yehova atile kuli Mose: “Panga insoka ya busungu iya cimpashanya no kuibika pa cimuti caololoka. Kabili onse uwasumwa, afwile ukuloleshako pa kuti efwa.”+ 9 Apo pene Mose apangile insoka ya mukuba+ no kuibika pa cimuti caololoka;+ nomba umuntu nga asumwa kabili alolesha+ kuli iyo nsoka ya mukuba, aleba no mweo.+
10 Pa numa, abana ba kwa Israele bafumine palya no kuyapanga inkambi mu Oboti.+ 11 Kabili bafumine mu Oboti no kuyapanga inkambi mu Iye-abarimu,+ mu matololo yaba apalungatana na Moabu, ukutulila akasuba. 12 Ilyo bafumine apa bailepanga inkambi mupepi ne mpanga yabatama iya Serede.+ 13 Ilyo bafumine palya baile balepanga inkambi mu mpanga ya Arnone,+ iyaba mu matololo ayatula pa mupaka wa bena Amore; pantu uyu Arnone e mupaka wa kwa Moabu, uwapakanya Moabu na bena Amore. 14 E mulandu wine balembela mwi buuku lya Nkondo sha kwa Yehova, ukuti:
“Fahebu mu Sufa e lyo no mumana wa Arnone, 15 ne milonga ya uko, uwashokela ukwabela Ari+ kabili uwakonka umupaka wa Moabu.”
16 Ukufuma apa baile ku Beere.+ Ici e cishima ico Yehova asosele kuli Mose ati: “Longanya abantu, uleke mbapeele amenshi.”+
18 Icishima, ico bacilolo baimbile. Ico abakankaala mu bantu bafukwile,
Ku nkonto ya mukalamba wa bashilika,+ na ku nkonto shabo.”
Kabili bafumine mu matololo no kuya ku Matana. 19 Kabili bafumine ku Matana no kuya ku Nahaliele kabili ukufuma ku Nahaliele baile ku Bamote.+ 20 Ukufuma ku Bamote baile ku mupokapoka uwaba mu mpanga ya kwa Moabu,+ pa muulu wa Pisga,+ uwaba apasansama ukulungatana na Yeshimone.+
21 Israele nomba atumine inkombe kuli Sihone+ imfumu ya bena Amore, no kutila:22 “Lekeni mpite mu calo cenu. Tatwakapaasukile mu mabala nangu ni mu mabala ya myangashi. Tatwakanwe na menshi ya mu cishima. Mu nshila ya mfumu e mo tukapita mpaka tukapite mu calo cenu no kufumamo.”+ 23 Awe Sihone talekele Israele ukupita mu calo cakwe,+ lelo Sihone alonganike abantu bakwe bonse no kwima ukuyalwisha Israele mu matololo, ayafika na ku Yahasi+ no kutendeka ukulwa na Israele. 24 E ico Israele amwipaile ku lupanga+ no kupoka icalo+ cakwe ukutula ku Arnone+ ukuyafika ku Yaboke,+ mupepi na ku bana ba kwa Amoni; pantu Yasere+ e mupaka wa bana ba kwa Amoni.+
25 E fyo Israele apokele imisumba yonse iyi, kabili Israele atendeke ukwikala mu misumba yonse iya bena Amore,+ mu Heshebone+ ne mishi ya uko yonse. 26 Pantu Heshebone wali musumba wa kwa Sihone.+ E wali imfumu ya bena Amore,+ kabili e walwile ne mfumu ya Moabu ku kale no kumupoka icalo cakwe conse ukufika fye na ku Arnone.+ 27 Ni pali ici abalandila mu mapinda basosela abati:
“Iseni ku Heshebone.
Lekeni umusumba wa kwa Sihone ukuulwe kabili ubelelele.
28 Pantu umulilo wafuma mu Heshebone,+ no lubingu lwafuma mu musumba wa kwa Sihone.
Waoca na Ari+ wa mu Moabu, abene ba ncende sha kupepelapo isha ku Arnone.
29 We bulanda kuli iwe Moabu! Ukuloba mukaloba, mwe bena Kemoshe!+
Akapeela abana bakwe abaume abapusuka na bana bakwe abanakashi bakatwalwa muli bunkole kuli Sihone, imfumu ya bena Amore.
30 E ico natubalase.
Heshebone ukuloba akaloba ukufika na ku Dibone,+
Kabili abanakashi bakaloba ukufika ku Nofa, na baume ukufika ku Medeba.”+
31 Awe Israele aikele mu calo ca bena Amore.+ 32 E lyo Mose atuminepo bamo ukuyalengula Yasere.+ E ico basanshile imisumba ya uko iyali mupepi no kutamfya abena Amore abalimo.+ 33 Pa numa, balyalwike no kuya mu nshila ya ku Bashani.+ Awe Oge+ imfumu ya Bashani yafumine ku kubalwisha, pamo na bantu bakwe bonse, ku bulwi bwa ku Edrei.+ 34 Yehova nomba atile kuli Mose: “Wimutiina,+ pantu ndepeela ena na bantu bakwe bonse ne calo cakwe mu minwe yobe;+ kabili umucite ifyo wacitile kuli Sihone, imfumu ya bena Amore, uwaleikala mu Heshebone.”+ 35 E fyo bamwipeye kumo na bana bakwe abaume na bantu bakwe bonse, ica kuti takwali no wapuswike pa bantu bakwe;+ kabili bapokele icalo cakwe.+