Yoshua
12 Kabili ishi e shamfumu sha calo isho abena Israele bacimfishe no kupoka icalo ca shiko bushilya bwa Yordani lwa ku kabanga,+ ukufuma pa mumana wa Arnone+ ukufika na ku Lupili lwa Hermone+ na ku Araba+ konse lwa ku kabanga: 2 Sihone+ imfumu ya bena Amore, uwaikele mu Heshebone,+ uwaleteka ukufuma ku musumba wa Aroere,+ uwali mu mbali ya mumana wa Arnone,+ na pa kati ka mumana, na hafu wa Gileadi ukufika fye na ku mumana wa Yaboke,+ umupaka wa bana ba kwa Amone, 3 na Araba+ ukufika fye na kuli bemba wa Kinerete*+ lwa ku kabanga no kufika na kuli bemba wa Araba, Bemba wa Mucele,+ na ku kabanga ukulola ku Bete-yeshimote,+ na lwa ku kapinda ka ku kulyo mwi samba lya mikunkuluko ya Pisga.+
4 Kabili impanga ya kwa Oge+ imfumu ya Bashani, iyashelepo mu bena Refaimu,+ uwaikele mu Ashitarote+ na mu Edrei,+ 5 kabili uwaleteka mu Lupili lwa Hermone+ na mu Saleka na monse mu Bashani,+ ukufika fye na ku mupaka wa bena Geshuri+ na bena Maakati,+ na hafu wa Gileadi, ukufika ku mupaka wa kwa Sihone+ imfumu ya Heshebone.+
6 Ni Mose umubomfi wa kwa Yehova na bana ba kwa Israele e babacimfishe,+ e lyo nomba Mose umubomfi wa kwa Yehova apeele calo ukuba impanga ya bena Rubene+ na bena Gadi+ na hafu wa mukowa wa kwa Manase.+
7 Kabili ishi e shamfumu sha mu calo isho Yoshua na bana ba kwa Israele bacimfishe bushilya bwa Yordani lwa ku masamba, ukufuma ku Baali-gadi+ mu mpanga iyabatama iya Lebanone+ ukufika fye na ku Lupili lwa Halaki,+ ulwafika ku Seiri,+ na pa numa Yoshua ayakenye ifyalo fya ishi shamfumu ukulingana ne mikowa ya kwa Israele,+ 8 mu calo ca mpili na mu Shefela na mu Araba na pa mikunkuluko na mu matololo na mu Negebu+—mu bena Hiti, abena Amore+ na bena Kanaani, abena Perisi, abena Hibi na bena Yebusi:+
9 Imfumu ya Yeriko;+ ne mfumu ya Ai,+ umusumba uwali lubali ku Betele;
10 imfumu ya Yerusalemu;+ imfumu ya Hebrone;+
11 imfumu ya Yarimuti;+ imfumu ya Lakishi;+
12 imfumu ya Egelone;+ imfumu ya Gesere;+
13 imfumu ya Debiri;+ imfumu ya Gedere;
14 imfumu ya Horma; imfumu ya Aradi;
15 imfumu ya Libna;+ imfumu ya Adulamu;
16 imfumu ya Makeda;+ imfumu ya Betele;+
17 imfumu ya Tapua; imfumu ya Hefere;+
18 imfumu ya Afeke; imfumu ya Lasharone;
19 imfumu ya Madone;+ imfumu ya Hasore;+
20 imfumu ya Shimrone-merone; imfumu ya Akishafi;+
21 imfumu ya Taanaki; imfumu ya Megido;+
22 imfumu ya Kedeshe; imfumu ya Yokeneamu+ ku Karmele;
23 imfumu ya Dore pa lupili lwa Dore;+ imfumu ya Goimu mu Gilgali;
24 imfumu ya Tesa;
ishamfumu shonse pamo shali amakumi yatatu na imo (31).+