14 Kabili bakonkenyepo fye ukucululusha abena Israele ku mulimo wa-afya uwa kukandila iloba lye bumba,+ no wa kutama injelwa, na ku mulimo onse uwa mu mpanga,+ umulimo onse uwa busha uo bababomfeshemo buluku buluku.+

3 Ilyo amwene ukuti nomba ca-afya ukumufisa,+ amubuuliile umuseke wa macinda no kumasako amanenekela na sefeti+ no kubikamo umwana no kuyaubika mu matete+ mu mbali ya mumana wa Naelo.