3 E lyo atile: “Ipoose pa nshi.” Awe apoosele nkonto pa nshi, na yo yasangwike insoka;+ na Mose e pa kufulumukako.

6 Kabili Yehova abwekeshepo ukumweba ukuti: “Shi bika ukuboko kobe mu ca kufwala, pa cifuba cobe.” Awe abikile ukuboko kwakwe mu ca kufwala, pa cifuba cakwe. Ilyo akufumishe, moneni, ku kuboko kwakwe kwali ifibashi kabili kwabuutile na tuutu!+

9 Na lyo line, nga ca kuti, bakaana ukusumina ifi fipesha amano fibili kabili bakaana no kukutika kwi shiwi lyobe,+ e lyo ukatape amenshi mu Mumana wa Naelo no kuyetila pa mushili apauma; kabili amenshi ayo ukatapa mu Mumana wa Naelo, yakasanguka umulopa pa mushili apauma.”+