• Ukufuma 6:1
    Baibolo Amalembo ya Calo Cipya

    • 6 E lyo Yehova atile kuli Mose: “Nomba uli no kumona ico nkacita kuli Farao,+ pantu pa mulandu wa kuboko kwandi ukwa maka akabaleka baye kabili pa mulandu wa kuboko kwandi ukwakosa akabapatikisha ukufuma mu calo cakwe.”+

  • Amalango 4:34
    Baibolo Amalembo ya Calo Cipya

    • 34 Nelyo bushe Lesa alyeseshepo ukusenda uluko ukulufumya mu luko lumbi ku fya kwesha,+ ku fishibilo,+ na ku fipesha amano+ na ku bulwi+ na ku kuboko kwakosa+ na ku kuboko ukwatambululwa+ na ku fya kutiinya ifikalamba+ nga filya fyonse ifyo Yehova Lesa wenu amucitiile mu Egupti ifyo mwaimwenene?

  • Nehemia 9:10
    Baibolo Amalembo ya Calo Cipya

    • 10 Kabili mwacitile ifishibilo ne fipesha amano kuli Farao na ku babomfi bakwe bonse na ku bantu bonse aba mu calo cakwe,+ pantu mwalishibe ukuti baleituntumba+ pali bena; na imwe mwaipangile ishina+ nge fyo mucitile lelo.