11 Abrahamu ayaswike ati: “Ni co naletontonkanya ukuti, ‘Cine cine muli cino cifulo tamwaba ukutiina Lesa,+ kabili nangu cibe shani bakanjipaila pa mukashi wandi.’+

12 Kabili malaika atile: “Wibika ukuboko kobe pa mulumendo kabili wicita nangu cimo kuli ena,+ pantu nomba naishiba ukuti ulatiina Lesa pantu taukene ukumpeela umwana obe, umo fye mpo.”+

43 Wikamutekela ku lucu,+ kabili ukabe na katiina kuli Lesa obe.+

24 Lelo muletiina+ Yehova, kabili mulemubombela mu cishinka ne mitima yenu yonse;+ pantu moneni ifikalamba ifyo amucitila.+

9 Kabili natile: “Ico mulecita te cisuma iyo.+ Bushe te mu katiina+ ka kuli Lesa wesu+ mufwile ukwendela pa mulandu wa miponto+ ya nko ishi, abalwani besu?+

7 Ukuba na katiina kuli Yehova e ntendekelo ya kwishiba.+ Amano no kusalapula e fyo abawelewele basuula.+

13 Ukutiina Yehova e kupata ububi.+ Amatutumuko ne cilumba+ ne nshila ibi na kanwa+ kalanda ifyabipa nalifipata.

31 Kabili abasumina+ bonse mu Yudea na mu Galili na mu Samaria baikele mu mutende, balekoshiwa; kabili ilyo batwalilile ukuba na katiina kuli Yehova+ no kusansamushiwa no mupashi+ wa mushilo, balefulilako.